Starfsmenn

[/col]

Ósk Vilhjálmsdóttir

Er stofnandi og eigandi Hálendisferða. Hún hefur starfað við leiðsögn á hálendi Íslands síðan 1991. Ósk er langhlaupari og skipuleggur hlaupaferðir um hálendisvíðernin. Árin 2002 til 2006 skipulagði hún gönguferðir til að vekja athygli á lítt þekktu friðlandi hreindýra og gæsa norðan Vatnajökuls áður en það hyrfi undir uppistöðulón fyrir Kárahnjúkavirkjun. Ósk hefur skipulagt fjölda funda og uppákomur til vekja athygli á náttúruspjöllum vegna  virkjanaframkvæmda og er einn af stofnendum Framtíðarlandsins.
Ósk Vilhjálmsdóttir hefur haldið einkasýningar og tekið þátt í fjölda samsýninga. Ósk nam við Myndlista- og handíðaskóla Íslands og Hochschule der Künste í Berlín.

https://oskvilhjalmsdottir.is/

Margrét H. Blöndal

Er leiðsögumaður Hálendisferða. Hún skipuleggur hálendisferðir og námskeið ásamt Ósk.  Margrét lagði drög af námskeiðum í myndlist og náttúruskoðun fyrir börn og unglinga sem haldin voru í samstarfi við Myndlistaskólann í Reykjavík og Listasafn Reykjavíkur.

Margrét hefur starfað sem myndlistarmaður frá því snemma á tíunda áratugnum og haldið fjölda einkasýninga sem og samsýninga út um allan heim. Hún lauk námi frá fjöltæknideild Myndlista – og handíðaskóla Íslands árið 1993 og meistaraprófi í skúlptúr frá Rutgers háskólanum í New Jersey.

http://www.margrethblondal.net/

Hjálmar Sveinson

Hjálmar Sveinsson er leiðsögumaður, þýðandi, bókaútgefandi og borgarfulltrúi. Hann starfaði lengi sem útvarpsmaður og fjallaði þá m.a. talsvert um umhverfismál og borgarskipulag. Hann er höfundur nokkurra bóka um íslenska listamenn. Stúderaði heimspeki og germanistik við Freie Universität í Berlin og var búsettur í Berlín um 12 ára skeið. Hjálmar er vanur leiðsögumaður og hefur bæði leitt erlenda ferðamenn um perlur Íslands en einnig íslendinga um borgir og sveitir Evrópu. Hann hefur haldið vinsæl námskeið við Endurmenntun Hálskóla Íslands um sögu Prússlands og haldið í kynnisferðir til Berlínar í kjölfarið. Hjálmar er stofnandi útgáfufélagsins Omdúrman og atviksbóka-ritraðarinnar.