Hálendið fyrir alla, 5 dagar*

25.000 kr.106.000 kr.

25. júlí 2018 

Leiðsögumenn og myndlistarkennarar: Ósk Vilhjálmsdóttir & Margrét H. Blöndal

Hópur: 8-22 manns

Styttri útgáfa af ferðinni einnig í boði

Hreinsa
Vörunúmer: Á ekki við Flokkar: , , ,

Hálendisferð fyrir unga sem aldna

Gönguferð og fjallabað að Fjallabaki í námunda við eitt mesta háhitasvæði í heimi, Torfajökulssvæðið. Tilvalinn leiðangur fyrir börn, fullorðna, eldra fólk og alla þá sem vilja njóta fjallalífsins á auðveldan og aðgengilegan hátt í góðum félagsskap. Leiðsögumenn eru jafnframt myndlistarmenn en boðið er uppá skapandi vinnu; náttúruskoðun og myndlist í fjallasal. Kynnumst tjaldbúðarlífi og matseld í óbyggðum en hópurinn verður með góða aðstöðu til matseldar í eldhústjaldi og samveru í samkvæmistjaldinu „Sveinstindi“.

Í morgunmat er boðið uppá gabrielsgraut úr lífrænu íslensku byggi, eða chiagraut eftir smekk ferðafélaga, holt og gott þjóðlegt nesti, pönnukökur og ljúffengar krásir á hverju kvöldi úr vönduðu hráefni.

Hálendisferðir hafa hannað sérstök sönghefti fyrir þessar ferðir en þeim er ætlað að kynna ferðafélögum menningararf sem felst í vísum og kvæðabrotum er tengjast landi, miðum og ferðalögum. Þessi kver verða dregin fram við ýmis tækifæri og fá ferðafélagar eintak í lok ferðar.

Dagur 1: Ekið með Fljótshlíð um sögufrægar slóðir Brennu-Njáls og Gunnars á Hlíðarenda. Þaðan er haldið upp á hálendið, hina fornu þjóðleið Fjallabaksleið syðri sem liggur fagurlega á milli grænna strýtulaga fjalla og jökla. Áningarstaðir á leiðinni eftir stemmningu í hópnum; Bólstaður, Þorsteinslundur eða Markarfljótsgljúfur.

Dagur 2:  Við göngum um Strútsgil og Hólmsárbotna þar sem Hólmsá á upptök sín beint undir Torfajökli. Hápunktur ferðarinnar er heitt fjallabað í Strútslaug áður en við höldum til baka yfir fjöll og firnindi í náttstað okkar í Krókagili. Söngur, þjóðsögur og kvöldvaka.

Dagur 3: Þeir sem vilja halda áfram í leiðangrinum að Fjallabaki ganga hina fornu þjóðleið um Mælifellssand í ævintýralegum fjallasal milli Mýrdalsjökuls og Kaldaklofsfjalla. Ferðinni er heitið í Hvanngil sem er gamall áningastaður ferðamanna sem lögðu leið sýna um þetta svæði öldum saman áður en byggðar voru brýr yfir jökulsár sunnan jökla. Möguleiki fyrir stutta fætur að fylgja bílstjóra og ganga hluta leiðarinnar. Við gistum tvær nætur í fallegum dal, Hvanngili í námunda við fjallaskála og hreinlætisaðstöðu Ferðafélags Íslands.

Dagur 4: Dagur til að njóta öræfakyrrðar, náttúruskoðun og myndlist, gönguleið valin útfrá þörfum og getu hópsins. Margir möguleikar í boði td gönguferð um Hvanngilsnhausa með stórfenglegu útsýni yfir jökla, sanda og líparítfjöll. Söngur, þjóðsögur og hátíðarkvöldverður.

Dagur 5: heimferð

Verð: 149.300 (með vsk)
Fyrir börn: 108.800 (- 12 ára)
20% afsláttur fyrir félaga í Landvernd* = 119.500/87.000