Hálendið fyrir alla, 3 dagar

35.000 kr.77.250 kr.

4. ágúst 2023

Leiðsögumenn og myndlistarkennarar: Ósk Vilhjálmsdóttir & Margrét H. Blöndal

Hreinsa
Vörunúmer: Á ekki við Flokkar: , , ,

Hálendisferð fyrir unga sem aldna

Gönguferð og fjallabað að Fjallabaki í námunda við eitt mesta háhitasvæði í heimi, Torfajökulssvæðið. Tilvalinn leiðangur fyrir börn, fullorðna, eldra fólk og alla þá sem vilja njóta fjallalífsins á auðveldan og aðgengilegan hátt í góðum félagsskap. Leiðsögumenn eru jafnframt myndlistarmenn en boðið er uppá skapandi vinnu; náttúruskoðun og myndlist í fjallasal. Kynnumst tjaldbúðarlífi og matseld í óbyggðum en hópurinn verður með góða aðstöðu til matseldar í eldhústjaldi og samveru í samkvæmistjaldinu „Sveinstindi“.

Í morgunmat er boðið uppá gabrielsgraut úr lífrænu íslensku byggi, eða chiagraut eftir smekk ferðafélaga, holt og gott þjóðlegt nesti, pönnukökur og ljúffengar krásir á hverju kvöldi úr vönduðu hráefni.

Hálendisferðir hafa hannað sérstök sönghefti fyrir þessar ferðir en þeim er ætlað að kynna ferðafélögum menningararf sem felst í vísum og kvæðabrotum er tengjast landi, miðum og ferðalögum. Þessi kver verða dregin fram við ýmis tækifæri og fá ferðafélagar eintak í lok ferðar.

Dagur 1: Ekið með Fljótshlíð um sögufrægar slóðir Brennu-Njáls og Gunnars á Hlíðarenda. Þaðan er haldið upp á hálendið, hina fornu þjóðleið Fjallabaksleið syðri sem liggur fagurlega á milli grænna strýtulaga fjalla og jökla. Áningarstaðir á leiðinni eftir stemmningu í hópnum; Bólstaður, Þorsteinslundur eða Markarfljótsgljúfur. Heimsækjum Hvanngil og klífum jafnvel Hvanngilsnhaus.  Þaðan er gott að njóta útsýnis yfir jökla, sanda og líparítfjöll. Ökum síðasta spölin yfir í Krókagil þar sem við komum okkur vel fyrir í tjaldbúðum.

Dagur 2:  Við göngum um Strútsgil og Hólmsárbotna þar sem Hólmsá á upptök sín beint undir Torfajökli. Hápunktur ferðarinnar er heitt fjallabað í Strútslaug. Málum og teiknum og höldum svo til baka yfir fjöll og firnindi í náttstað okkar í Krókagili. Söngur, þjóðsögur og hátíðarkvöldverður.

Dagur 3:  Nú er haldið inná hina fornu þjóðleið um Mælifellssand í ævintýralegum fjallasal milli Mýrdalsjökuls og Kaldaklofsfjalla. Gengið um mjúkar öldur og svarta sanda til móts við breiða jökultungu Mýrdalsjökuls. Hér er komin tími til að kveðja  heimkynni okkar á fjöllum. Við ökum til baka og rifjum upp kynni af Stóru- og Litlu-Súlu, Stórkonufelli og Hallfelli.

Hópur: 8-18 manns

Verð fullorðnir: 69,600 + vsk
börn(- 12 ára): 52.500  + vsk