Handverk og náttúrufegurð í Marokkó – október 2018

100.000 kr.259.900 kr.

9 daga námskeið í Suður-Marokkó

25. október – 3. nóvember UPPSELT
Aukaferð 13. – 22. október 2018

undir handleiðslu Óskar Vilhjálmsdóttur myndlistarmanns & Rögnu Fróða fata- og textilhönnuðar

Fjöldi: 8 – 13 manns

Hreinsa
Vörunúmer: Á ekki við Flokkar: , ,

Leiðin liggur til Suður Marokkó um sjávarþorp, miðaldaborgir og blómlegar sveitir þar sem geitur klifra í Argantrjám. Við kynnumst mögnuðum jarðmyndunum í Anti-Atlasfjöllum og fornri handverkshefð úr menningarbrunni berba, araba, gyðinga, spánverja og frakka.

Áður en lagt er í leiðangurinn verða tveir fyrirlestrar í boði fyrir þáttakendur. Þórir Hraundal mið-austurlandafræðingur mun halda fyrirlestur um sögu og menningu Marokkó. Auk þess munu Ósk Vilhjálmsdóttir og Ragna Fróða halda fyrirlestur um handverk, byggingarlist, heimilisiðnað og daglegt líf í Marokkó. Þær munu auk þess fara yfir skipulag ferðarinnar.

Á vettvangi verða skilningarvitin virkjuð með því að vera áhorfandi og þáttakandi í senn þegar við heimsækjum heimamenn við störf og listsköpun. Við fylgjumst við með bygginu leirhúsa og fáum að taka til hendinni ásamt því að læra aldagamlar aðferðir Norður Afríkubúa. Hefðbundnin húsbygginaraðferð þeirra hefur haldist óbreytt frá því á dögum Krists. Okkur gefst tækifæri á að taka þátt í leirkerasmíð og tadelakt sem er gömul aðferð við að gera yfirborð gljáandi og vatnshelt. Við fáum námskeið í fornri leturgerð með bambusfjöður og náttúrulegu bleki. Við kynnumst spunatækni, litunaraðferðum og vefnaði. Heimsækjum heimamenn og fáum innsýn inní heimilisiðnað sem lifir góðu lífi í Marokkó líkt og fyrir nokkrum öldum á Íslandi. Ferðin er leiðangur sem farinn er á tímavél, stefnt nokkrar aldir aftur í tímann og við tökum með okkur til baka aldagamla þekkingu fortíðar inn í framtíðina.

13. – 15. október: Agadir
Komið til Marokkó. Við komum okkur vel fyrir í þægilegum hefðbundnum, Kasbah sem trónir aleinn á hæð við jaðar Souss svæðisins. Gistum þar fyrstu tvær næturnar. Í boði að fara á námskeið í tadelakt og leirkerasmíð, einnig matreiðslunámskeið síðdegis. Markaðir og ströndin. Skoðum borgina sem hrundi í jarðskjálfta árið 1960 og veltum fyrir okkur byggingarhefðinni og hvernig til hefur tekist með enduruppbyggingu.

15. – 17. október: Mirleft
Ekið til Mirleft en stöldrum við í bænum Mirleft á leiðinni sem er m.a. þekktur fyrir silfursmíði. Mirleft er fallegur lítill strandbær við Atlantshafið. Þar verður boðið uppá gönguferðir og námskeið í arabískri leturgerð, kaligraphy.

17. – 20. október: Tafraoute
Ekið til Anti-Atlasfjalla. Við heimsækjum heimamenn, kynnumst spuna, litun, vefnaði, skósmiðum, almennum heimilisiðnaði, landbúnaði og matseld. Eldum með heimamönnum. Við skoðum landslagsverk eftir belgíska listamanninn Jean Verame, bláu steinana. Við heimsækjum gamalt berbaheimili sem nú er safn og skoðum ævaforna byggingarlist leirhúsa, sem hafa lítið breyst síðan á dögum Krists. Granít landslagið í Ammeln dalnum býður uppá áhugaverðar gönguferðir á fornum sjávarbotni.

20. – 22. október: Taroudant
Ekið til Taroudant þar sem við dveljum síðustu tvær næturnar í einstökum aldingarði og sælurétt rétt við borgarmörkin. Við skoðum arkitektúr og sögu gömlu medinunar í Taroudant sem sumir kalla „litlu Marrakech“. Gönguferð um borgina með sérfróðum local leiðsögumanni. Við gistum síðustu tvær næturnar í fallegu hefðbundnu riadi innan medínunnar og borðum saman hátíðarkvöldverð síðasta kvöldið.

22. október: Heimferð

Verð: 248.200
verð án flugferða miðað við tvo í herbergi
aukagjald vegna sérherbergis: 67.000

Innifalið í verði:

  • Akstur frá flugvelli á hótel og frá hóteli á flugvöll
  • 9 gistinætur með hálfu fæði (morgunverður + ein máltíð)
  • Akstur í þægilegri loftræstri bifreið 
  • 2 íslenskir leiðsögumenn/kennarar (Ósk Vilhjálmsdóttir & Ragna Fróða)
  • Marokkóskur leiðangursstjóri í ferðinni
  • Borgarleiðsögumaður í Taroudant
  • Gönguferðir í Tafraoute og Mirleft 
  • Fjögur námskeið að eigin vali, mögulegt að bóka viðbótarnámskeið gegn vægu gjaldi (25-40 EUR)
  • Morgunjóga og morgunhlaup fyrir áhugasama

Kostnaður við flug  50.000 – 70.000. Ódýrast að bóka snemma. Við veitum aðstoð við bókun

Irma Erlingsdóttir

Að heimsækja Marokkó felur í sér ferðalag margar aldir aftur í tímann og kennslustund í samtímasögu og –pólitík. Í ferðinni með Hálendisferðum eru öll skilningarvitin virkjuð. Við nutum sérstæðs landslags, í fjallahéruðum, í eyðimörkinni og við sjávarsíðuna, og ævintýralegrar byggingarlistar innan húss sem utan. Umgörð sem er studd af upplifun af magnaðri matarmenningu þessa lands og sögunni allri í þátíð og nútíð.“

Irma Erlingsdóttir
Björg Vilhjálmsdóttir

Ég upplifði einstakt ferðalag! Ósk skipulagði Marokkó ferðina af mikilli snilld og ég get ekki þakkað henni nægilega fyrir allt ævintýrið. Mér finnst eins og ég hafi ekki komið söm heim. Hún kynnti fyrir okkur staði sem flestir ferðamenn sjá ekki. Við fórum inná heimili fólksins í Hamingjudalnum, þvældumst um ævintýralega mannþröngina í medínunni í Fes og lékum okkur við kraftmikið ölduhafið í Essaouira, sögufrægu borginni við Atlandshafið. Ég er djúpt snortin. Takk fyrir mig!

Björg Vilhjálmsdóttir
Þórhallur Vilhjálmsson & Sólveig Bjarnadóttir

Ferðin með Hálendisferðum til Marokkó 25. mars til 10. apríl 2016 var í alla staði dásamleg og upplifun sem við þráum og eigum eftir að njóta lengi. Allt frá upphafi var ljóst að við vorum í góðum höndum frábærs fararstjóra, Óskar Vilhjálmsdóttur, sem af fagmennsku og útsjónasemi leiddi okkur um hinn ótúrlega fjölbreytileika í Marokkósku samfélagi. Ekki sakaði heldur að félagsskapurinn var einstakur. Einn helsi styrkleiki ferðarinnar fólst í því að dvelja hæfilega lengi á hverjum stað og njóta leiðasagnar heimamanna. Við erum komin á bragðið og erum þegar farin að hlakka til næstu ferðar undir leiðsögn Óskar.

Þórhallur Vilhjálmsson & Sólveig Bjarnadóttir
Bóka ferð:

Greiða staðfestingargjald, Greiða ferð, Aukagjald einn í herbergi