Sahara og konungsborgir norðursins, páskar 2018

50.000 kr.292.000 kr.

13/17 daga leiðangur um suður Marokkó á slóðum gömlu úlfaldalestanna

Gist í ævintýralegum lúxus kasbah og riad — marokkóskur gæðamatur og vellystingar— gönguferð — eyðimerkurferð
— menningarborgir, matreiðslunámskeið, leirkerasmíð, Atlantshafið fagurblátt.

24. mars. – 5./9. apríl 2018

4ra daga viðbót í boði (heimferð 9. apríl)

Leiðangursstjóri: Ósk Vilhjálmsdóttir

 

Hreinsa
Vörunúmer: Á ekki við Flokkar: ,

„Leið viskunnar liggur í gegnum eyðimörkina“
(orðatiltæki bedúína)

Há-Atlasfjallgarðurinn, kyngimagnað tungl-landslag með óvæntum iðagrænum vinjum. Pálmaekrur og tignarlegar kastalaborgir. Við verðum margs vísari um innviði og uppbyggingu samfélagsins, landbúnað, áveitur, döðlurækt ofl. Við kynnumst heimamönnum sem bjóða okkur inná heimili sín. 

Leiðangur með kameldýrum í Sahara eyðimörkinni. Endalausar sandöldur og iðagrænar vinjar. Við göngum um 4 – 5 tíma á dag, högum seglum eftir vindum. Hirðingjar eru okkar gestgjafar og velja áningastaði að kostgæfin og bera í leiðangursmenn mat og drykk kvölds og morgna. Á kvöldin gefst tækifæri til að njóta sólarlagsins og stjörnuhiminsins yfir Sahara. Morgnarnir dásamlegir til að njóta sólarupprásar, morgunkyrrðar og hugleiðslu.
Leiðangurinn heldur áfram um Mið-Atlasfjallgarðinn alla leið til Fes sem er eitt af undrum veraldar. Maður finnur þefinn af miðöldum, þröngar og kræklótar götur, handverksfólk við iðju, ilmur af kryddi og ávöxtum. Einn stæðsti bíllausi borgarkjarni í veröldinni.
Við heimsækjum Volubilis, leifar fornar borgar frá dögum rómarveldis, kynnumst lifandi mannlífi á torginu í Meknes og í lok ferðar dveljum við í Asilah, fallegum smábæ við Atlantshafið.
Gistingar í fornum leir kasbah, hefðbundnu riad og hirðingjatjöldum.

24.mars
lending í Marrakech.

25. mars
Marrakech er sannkölluð veisla fyrir skynfærin. Iðandi mannlíf á torginu forna „Djema El Fna“, seiðmagnað alþýðuleikhús sem hefur ekki stoppað í þúsund ár; kaupmenn, sögumenn, slöngutemjarar, akróbatar, shamanar og spákonur. Við fáum local leiðsögn um merka staði í Marrakech og gistum í fallegu hefðbundnu riadi innan medínunnar.

26. mars
Ekið um Há-Atlasfjöllin til Ait Benhaddou þar sem við gistum í fallegu leirkasbah sem gert hefur verið upp af mikilli kostgæfni.

27.mars
Við skoðum Holliwood bæinn Ait Benhaddou sem er gamallt leirþorp sem rennur saman við fjöllin. Ökum ferðumst fornum á slóðum 1000 kasbachí átt að eyðimörkinni og förum í gönguferð í Dades gljúfrunum. Gistum á fjallahóteli við gljúfrin.

29.mars
Höldum áfram leiðangrinum í eyðimörkina. Skoðum Todra gljúfur á leiðinni. Komum til Merzouga og gistum í tjaldbúðum í Sahara.

30. – 31. mars
Hirðingjaleiðangur um sandöldur við Erg Chebbi í Sahara. Matseld og umsýsla í höndum hirðingja.

31.mars
Leiðangur um Há- og Mið-Atlasfjöllin til Fes þar sem við gistum næstu 3 næturnar.

1.- 3. apríl
Dagar til að kynnast Fes. Við fáum leiðsögn heimamanns um þessa merkilegu borg. Þarna er sterk tónlistarhefð en við heimsækjum staði þar sem heimamenn koma saman til tónlistariðkunar. Handverksiðn er alltumlykjandi, það er líkt og tíminn hafi staðið í stað, sumt hefur ekkert breyst frá miðöldum. Við fylgjumst með leðurlitun í stórum sútunarkerjum og heimsækjum leirkeraverkstæði.

3.apríl
Heimsókn til Volubilis og Meknes. Gisting í Meknes.

4.apríl
Við ökum til strandar og komum okkur fyrir í strandbænum Asilah. Njótum þess að ganga á ströndinni.
Þeir sem velja lengri útgáfu ferðarinnar heimsækja Chefchaouen*

5.apríl
Heimferð frá Tangier

verð: 1.954 €
miðað við tvo í herbergi
aukakostnaður fyrir einstaklingsherbergi: 570 € 

Fjöldi: 8 – 15 manns

Innifalið:

  • Akstur frá flugvelli á hótel og til baka á flugvöll
  • 2 gistinætur með morgunverði í ***riadi
  • 6 gistinætur með hálfu fæði á ***gistiheimilum eða riadi
  • 3ja daga eyðimerkurleiðangur með kameldýrum og hirðingjum
  • Akstur í þægilegri loftkældri fjórhjólabifreið með local ökuleiðsögumanni
  • Íslenskur leiðangursstjóri (Ósk Vilhjálmsdóttir)

Ath. Flugið er ekki innifalið en við veitum aðstoð við bókun.
Áætlað verð á flugi: 45.000 – 80.000, ódýrast að bóka snemma

*lengri útgáfa ferðar:

4.- 6.apríl
Ekið um Rif fjallgarðinn til undurfögru bláu andalúsíuborgarinnar Chefchaouen þar sem við gistum næstu tvær næturnar

6.-8. apríl
Við ferðumst til strandar og komum okkur fyrir í smábænum Aslah. Þar verður boðið uppá námskeið í handverki, skrautskrift og matseld en líka gaman að láta sig reika gamla bæinn og ströndina áður en við hverfum aftur heim.

9.apríl
Heimferð frá Tangier

heildarverð: 2.367 €
miðað við tvo í herbergi
aukakostnaður fyrir einstaklingsherbergi: 690 € 

Innifalið:

  • Akstur frá flugvelli á hótel og til baka á flugvöll
  • 3 gistinætur með morgunverði í ***riadi
  • 10 gistinætur með hálfu fæði á ***gistiheimilum eða riadi
  • 3ja daga eyðimerkurleiðangur með kameldýrum og hirðingjum
  • Akstur í þægilegri loftkældri fjórhjólabifreið með local ökuleiðsögumanni
  • Íslenskur leiðangursstjóri (Ósk Vilhjálmsdóttir)
Irma Erlingsdóttir

Að heimsækja Marokkó felur í sér ferðalag margar aldir aftur í tímann og kennslustund í samtímasögu og –pólitík. Í ferðinni með Hálendisferðum eru öll skilningarvitin virkjuð. Við nutum sérstæðs landslags, í fjallahéruðum, í eyðimörkinni og við sjávarsíðuna, og ævintýralegrar byggingarlistar innan húss sem utan. Umgörð sem er studd af upplifun af magnaðri matarmenningu þessa lands og sögunni allri í þátíð og nútíð.“

Irma Erlingsdóttir
Björg Vilhjálmsdóttir

Ég upplifði einstakt ferðalag! Ósk skipulagði Marokkó ferðina af mikilli snilld og ég get ekki þakkað henni nægilega fyrir allt ævintýrið. Mér finnst eins og ég hafi ekki komið söm heim. Hún kynnti fyrir okkur staði sem flestir ferðamenn sjá ekki. Við fórum inná heimili fólksins í Hamingjudalnum, þvældumst um ævintýralega mannþröngina í medínunni í Fes og lékum okkur við kraftmikið ölduhafið í Essaouira, sögufrægu borginni við Atlandshafið. Ég er djúpt snortin. Takk fyrir mig!

Björg Vilhjálmsdóttir
Þórhallur Vilhjálmsson & Sólveig Bjarnadóttir

Ferðin með Hálendisferðum til Marokkó 25. mars til 10. apríl 2016 var í alla staði dásamleg og upplifun sem við þráum og eigum eftir að njóta lengi. Allt frá upphafi var ljóst að við vorum í góðum höndum frábærs fararstjóra, Óskar Vilhjálmsdóttur, sem af fagmennsku og útsjónasemi leiddi okkur um hinn ótúrlega fjölbreytileika í Marokkósku samfélagi. Ekki sakaði heldur að félagsskapurinn var einstakur. Einn helsi styrkleiki ferðarinnar fólst í því að dvelja hæfilega lengi á hverjum stað og njóta leiðasagnar heimamanna. Við erum komin á bragðið og erum þegar farin að hlakka til næstu ferðar undir leiðsögn Óskar.

 

Þórhallur Vilhjálmsson & Sólveig Bjarnadóttir
Bóka ferð:

Greiða staðfestingargjald, Greiða ferð